Framtíðin kallar á
skýra stefnu
og sterka forystu.
Ég er reiðubúin
að leiða Framsóknarflokkinn
inn í nýja og
spennandi tíma.
Kæru félagar og vinir!
Ég er auðmjúk og þakklát fyrir það mikla traust sem grasrót Framsóknarflokksins hefur sýnt mér á 38. flokksþingi flokksins. Einnig vil ég þakka Ingibjörgu Isaksen fyrir snarpa og öfluga kosningabaráttu sem hefur verið skemmtileg - og flokknum nauðsynleg. Sem formaður Framsóknarflokksins heiti ég að leggja mig alla fram við að vinna samvinnuhugsjóninni brautargengi með þeim mikla mannauði sem er í flokknum um allt land; fólki úr ólíkum áttum sem brennur fyrir það að gera Ísland að betra landi en það var í gær.
Við þessi tímamót vil ég þakka Sigurði Inga Jóhannssyni fyrir hans óeigingjarna starf og framlag í þágu Framsóknarflokksins. Á flokksþingi í dag flutti hann góða yfirlitsræðu yfir það sem Framsókn hefur áorkað á undanförnum kjörtímabilum í þágu þjóðarinnar. Sá listi er langur og eitthvað sem við getum verið virkilega stolt af. Ferill Sigurðar Inga er merkilegur fyrir margar sakir. Hann náði fyrst kjöri til Alþingis árið 2009 og hefur hann á sínum þingmannsferli hefur hann meðal annars gegnt embætti forsætisráðherra, fjármála- og efnahagsráðherra, samgöngu- og sveitarstjórnarráðherra og sjávarútvegs- og landbúnaðarráðherra. Á þeim tíma hefur hann sýnt þrautseigju og eljusemi í því verkefni að gera landið okkar betra á grundvelli samvinnuhugsjónirnar. Í störfum sínum hefur hann ávallt lagt sig fram við að huga að Íslandi öllu, og stuðla að framförum hringinn í kringum Ísland í gegnum þá fjölmörgu málaflokka sem hann hefur stýrt.
Takk fyrir stuðninginn og takk Sigurður Ingi fyrir samstarfið í forystu flokksins á undangengnum árum!
Mínar áherslur
Samvinna er lykillinn að því að nýta sameiginlegan slagkraft Framsóknarflokksins til að ná lengra, auðveldar miðlun hugmynda og þróun nýrra lausna á áskorunum fyrir Ísland og íslenskt samfélag.
-
Það hefur gengið illa að kveða niður þá verðbólgu sem hefur reynst þrálát um þó nokkurt skeið. Verðbólga hefur verið að aukast undanfarin misseri sem má einkum rekja til áhrifa hækkunar á ýmsum opinberum álögum og þjónustu auk hækkunar matvöruverðs. Verðbólguvæntingar haldast jafnframt yfir markmiði. Hækkandi verðbólga hefur haft það í för með sér að vaxtalækkunarferli Seðlabanka Íslands – sem hófst á síðasta ári – stöðvaðist og þrengt hefur að stöðu íslenskra heimila.
Brýnasta verkefni íslensks samfélags er að ná niður verðbólgu til að vextir geti lækkað á nýjan leik. Það verður að nota samvinnuhugsjónina til að ná utan um hlutina eins og þeir eru til að hlúa að íslenskum heimilum. Þar verða stjórnvöld að leiða með góðu fordæmi, stuðla að aðhaldssömum ríkisfjármálum, halda aftur af eigin launahækkunum sem og hækkunum á opinberum álögum og þjónustu.
Það er lykilatriði að kveða niður verðbólgu fyrir heimilin í landinu sem eru hjartað í íslensku samfélagi. Framsóknarflokkurinn þarf að komast aftur við eldhúsborðið. Það gerum við með því að tala með skýrum hætti fyrir raunhæfum lausnum á þeim viðfangsefnum sem heimilin standa frammi fyrir og grunnstefnu Framsóknarflokksins. -
Það sem ræður mestu um lífskjör þjóða er öflugt atvinnulíf og geta þess til að skapa aukin verðmæti. Verðmætasköpun er forsenda velferðar. Til þess að geta áfram staðið undir framúrskarandi lífskjörum á Íslandi þurfa stjórnvöld, atvinnulíf og heimili að leggjast saman á árarnar – samvinnuhugsjónin er leiðarljósið.
Þau framúrskarandi lífskjör sem hér fyrirfinnast byggir þjóðin á samkeppnishæfni útflutningsgreina landsins og að þær haldi áfram að skapa meiri verðmæti í dag en í gær. Burðarstólpar íslensk útflutnings eru ferðaþjónusta, sjávarútvegur og iðnaður.
Tækifæri íslensks útflutnings eru óendanleg. Til þess að grípa þau verður að einfalda regluverk, minnka álögur á atvinnulífið og auka stöðugleika– þannig treystum við samkeppnishæfni íslensks atvinnulífs og tryggjum heimilunum áfram framúrskarandi lífskjör.
Íslenskt atvinnulíf og lífsgæði heimilanna byggja jafnframt á landbúnaði sem er kjölfesta byggðar um allt land og lykillinn að fæðuöryggi þjóðarinnar. Nauðsynlegt er styðja við bændur og tryggja að þeir hafi tækifæri til að nýta þau sóknarfæri sem blasa við íslenskum landbúnaði.Samvinna er lykillinn að því að leita nýrra lausna fyrir íslenskan landbúnað til að tryggja bændum eðlileg starfsskilyrði og afkomu fyrir vinnuframlag sitt og stuðla að aukinni nýliðun í atvinnugreininni.
Fjárfesta verður í tækniframförum þar sem tækifærin fyrir Ísland eru mýmörg hvort heldur sem er í ferðaþjónustu, sjávarútvegi, iðnaði eða landbúnaði. Það gerum við með því að stuðla að og ýta undir aukna nýsköpun og vöruþróun þvert á atvinnugreinar. -
Menntun og hæfni er lykilforsenda þess að Ísland geti mætt áskorunum framtíðarinnar, sem felast meðal annars í örum breytingum á samfélagi, náttúru og tækni.
Við verðum að gera betur í því að efla menntakerfið okkar en það viðfangsefni krefst samvinnu við kennara og skólastjórnendur.
Höldum áfram að fjárfesta í menntun og ráðumst í kerfisbreytingar sem byggja á rannsóknum, sem munu skila meiri árangri fyrir framtíð unga fólksins.
-
Tungumálið okkar, íslenskan, sameinar okkur. Fjárfestum í
tungumálinu og gerum það aðgengilegt - þannig að allir geti lært íslensku.
-
Frelsi og fullveldi þjóðarinnar eru undirstaða framfara. Velmegun er mest í landinu, þegar við ráðum okkar málum og auðlindum sjálf. Sjálfbær auðlindanýting er grunnurinn að þeim lífskjörum sem Ísland býr við í dag. Aðild að Evrópusambandinu mun ekki
auka hagsæld á Íslandi og hagsmunum Íslands er best borgið utan þess. Halda skal áfram góðum og nánum samskiptum við Evrópusambandið á grundvelli EES-samningsins.
Greiður aðgangur að helstu útflutningsmörkuðum þjóðarinnar er lykillinn að hagsæld, og því brýnt að Ísland sé í mikilli alþjóðasamvinnu og hagsmunagæsla Ísland sé efld til muna. Við stöndum með frænd- og vinaþjóðum okkar, styðjum við Grænlendinga og lífskjarasókn þeirra og leggjum áherslu á að alþjóðalög séu virt. Áframhaldandi samstarf í öryggis- og varnarmálum á grundvelli Atlantshafsbandalagsins verður áfram hryggjarstykki í utanríkismálum þjóðarinnar.
Líf og störf
Nýjast
Hámhorf
Á náttborðinu
Í eyrunum
Framundan
Stuðningsgreinar
-
![]()
Lilja Dögg leiðtogi með tíma, fókus og tengsl við landið allt
Framsóknarfólk stendur frammi fyrir mikilvægri ákvörðun. Val á formanni er ekki aðeins val á einstaklingi heldur vinnubrögðum og forgangsröðun. Við, undirrituð, lýsum yfir stuðingi við Lilju Dögg Alfreðsdóttir til formennsku í Framsóknarflokknum. Það felast tækifæri í því að hún situr ekki á þingi enda starf formanns tímafrekt, krefjandi og í raun fullt starf en sjálf þekkjum við setu á Alþingi og störfum í sveitarstjórn. Verkefnin framundan kalla á nærveru, samtal, skipulag og forystu. Bæði innan flokks og út á við. Þekking og reynsla Lilju Daggar mun þar koma að góðu.
Jónína Brynjólfsdóttir, forseti sveitarstjórnar Múlaþings og Hjálmar Bogi Hafliðason, forseti sveitarstjórnar Norðurþings
-
![]()
Hvað þýðir það að vera leiðtogi?
Það var síðan ekki fyrr en árið 2023 að ég skráði mig í Framsókn og byrjaði að taka virkan þátt í flokksstarfinu og um leið þá var ein manneskja sem gerði það að verkum að ég upplifði mig velkominn og að mér fannst ég tilheyra, en það var hún Lilja.
Hnikarr Bjarmi Franklínsson, fjármálaverkfræðingur
-
![]()
Úr hverju er þessi kona gerð?
Þetta er setning sem mér dettur í hug þegar ég hugsa um Lilju Dögg Alfreðsdóttur. Henni fylgir mikill kraftur, hún getur haldið fjölmörgum boltum samtímis á lofti, hún er með skýra framtíðarsýn, hefur brennandi áhuga á einstökum verkefnum, er klók og útsjónarsöm þegar koma þarf hlutum í framkvæmd, er með stórt og gott tengslanet og, síðast en ekki síst, þá elskar hún Ísland og Framsóknarflokkinn – alveg eins og ég. Ekki skemmir heldur fyrir að hún hefur góðan húmor og tekur sjálfa sig mátulega alvarlega. Það er alltaf gaman í kringum Lilju, nema kannski þegar maður er ósammála henni, en það er önnur saga.
Silja Dögg Gunnarsdóttir, viðskiptastjóri og fyrrverandi alþingismaður
-
![]()
Nú þarf Framsókn sterka forystu
Við þurfum leiðtoga sem er tilbúinn að berjast fyrir fullveldi og sjálfstæði íslensku þjóðarinnar á slíkum tímum.
Lilja Dögg Alfreðsdóttir er sá leiðtogi. Hún er alþjóðahagfræðingur með yfirgripsmikla reynslu úr Seðlabanka Íslands og hefur starfað sem ráðgjafi hjá Alþjóðagjaldeyrissjóðnum. Hún býr því yfir djúpri þekkingu á efnahagsmálum og þeirri alþjóðlegu sýn sem þarf til að takast á við áskoranir samtímans.
Anton Guðmundsson
Oddviti Framsóknarflokksins í Suðurnesjabæ -
![]()
Pepparinn og áttavitinn
Við styðjum Lilju Dögg Alfreðsdóttur vegna þess að hún sameinar kraft, visku og hlýju. Hún er pepparinn sem heldur hópnum saman. Leiðtoginn og áttavitinn sem Framsókn þarf á að halda.
Guðveig Eyglóardóttir, oddviti Framsóknar í Borgarbyggð og Sonja Lind Estrajher Eyglóardóttir, fyrrverandi starfsmaður þingflokks Framsóknar og aðstoðarmaður Willum Þórs Þórssonar sem heilbrigðisráðherra
-
![]()
Leiðtoginn Lilja
Að eiga Lilju Dögg í baklandinu er dýrmætt. Hún hefur verið mér ákaflega mikilvægur stuðningur í þeim verkefnum sem ég hef staðið frammi fyrir á mínum vettvangi. Lilja er sá leiðtogi sem hefur veitt mér ráð, treyst mér fyrir krefjandi verkefnum, skorað mig á hólm og hrósað. Allt þetta er ég þakklát fyrir því Lilja Dögg hefur gert mig að öflugri málsvara þeirra sem ég gæti hagsmuna fyrir.
Í ljósi alls hér að ofan er valið augljóst, Lilja Dögg er sá formaður sem ég mun kjósa næsta sunnudag.
Jóhanna Ýr Jóhannsdóttir, framkvæmdastjóri, oddviti Framsóknar og formaður bæjarráðs í Hveragerði
-
![Einar Bárðarson]()
Formann eða leiðtoga?
Lilja Dögg Alfreðsdóttir er leiðtogi. Hún er hugaður og ástríðufullur stjórnmálamaður sem forðast ekki átök þegar hún telur málstaðinn þess virði. Henni virðist standa á sama hvort hún eigi í pólitískum orðaskiptum við innlenda andstæðinga á borð við Sigmund Davíð Gunnlaugsson eða Kristrúnu Frostadóttur eða það þurfi að taka harða umræðu við erlenda ráðamenn eins og Gordon Brown þegar á okkur er brotið. Að mínu mati er það leiðtogi sem er ófeiminn, fylginn sér og tilbúinn að standa fast á stefnu flokksins þegar á reynir.
Einar Bárðarson, framkvæmdastjóri
-
![salvorsol]()
Næsti formaður Framsóknar
Framsókn þarf leiðtoga sem hugsar um framtíðina og setur ungt fólk í forgang. Ég trúi því að Lilja Alfreðsdóttir sé best í því að leiða Framsókn inn í nýja tíma. Hún skilur mikilvægi þess að jafna tækifæri ungs fólks, hefur unnið að góðum breytingum og getur byggt Framsókn upp fyrir næstu kynslóð.
Það skiptir mig máli. Þess vegna kýs ég Lilju.
Salvör Sól Jóhannsdóttir, átján ára nemi við Menntaskólann á Ísafirði
-
![]()
Veljum sterkan leiðtoga
Við höfum undanfarið séð að Lilja hefur ekki farið í manninn í baráttunni. Hún er málefnaleg og ber yfirbragð trausts. Engin stjórnmálamaður utan þings hefur verið jafn áberandi og Lilja í fjölmiðlum síðustu misseri og það skýrist af því að hún hefur eitthvað að segja og boða um þá heimsmynd sem nú blasir við okkur. Staða flokksins og verkefnin framundan eru slík að formaður flokksins þarf að geta verið frjálsari við í uppbyggingunni og þá er kostur að vera ekki bundin við atkvæðagreiðslur í stjórnarandstöðu.
Aron Ólafsson, stjórnarmaður í FR
-
![]()
Framsókn til framtíðar – Með Lilju í forystu
Á flokksþinginu næstu helgi stöndum við Framsóknarfólk frammi fyrir mikilvægri ákvörðun. Við veljum okkur ekki aðeins nýjan formann, heldur ákveðum við hvert við viljum að Framsókn stefni til framtíðar og hvaða gildi við viljum hafa að leiðarljósi. Til þess þurfum við sterkan leiðtoga sem getur sameinað ólíka hagsmuni. Lilja Dögg Alfreðsdóttir er sá formaður sem við þurfum til þess.
Linda Hrönn Bakkmann Þórisdóttir, grunnskólakennari og fyrrum formaður kvenna í Framsókn
